Rundeoppsummering Kretsligaen: Runde 8

Runde 8 av Kretsligaen 2024 er ferdigspelt, og her kjem ei kort oppsummering av alle kampane:

Dale - Stryn 4-4 (0-2)

Mål: 0-1 Mohammad Ali 6. min, 0-2 Johannes Fredheim 13. min, 0-3 Isak Heggdal Skogen 51. min, 0-4 Johannes Fredheim 66. min, 1-4 Anders Ulvik Fleten 70. min, 2-4 Sander Kapstad 77. min, 3-4 Sander Kapstad 87. min, 4-4 Sander Kapstad 90. min.

Gule kort: Sander Kapstad, Dale. Sondre Erdal, Stryn. Einar Aase, Dale. Aaron Sande Rennestraum, Dale.

Stryn leia heile 4-0 fram til det var spelt 70 minutt, og såg ut til å ta årets fyrste siger. Heimelaget Dale satte inn ein skikkeleg sluttspurt og med Sander Kapstad sitt hattrick redda dei eitt poeng på overtid. Kampen enda 4-4, og Stryn måtte reise heim med "berre" eitt poeng. Dale står med 16 poeng på 5. plass og Stryn står med 3 poeng på 11. plass.

Eid - Studentspretten 2-1 (2-0)

Mål: 1-0 Kristian Årskog 2. min, 2-0 Kristian Årskog 8. min, 2-1 Jørgen Holtan 74. min.

Gule kort: Marius Endestad Henriksen, Eid.

Dagen før kamp var den avlyst, men Studentspretten klarte å stille lag allikevel og kampen gjekk som planlagt. Det vart ein sjokkopning for studentane frå Sogndal når Kristian Årskog scora to mål på 8 minutt for heimelaget. I andreomgang reduserte Studentspretten til 2-1, men Eid heldt leiinga kampen ut og tek 3 nye poeng. Eid ligg no på 4. plass med 18 poeng, medan Studentspretten ligg på 9. plass med 6 poeng.

Vik - Jølster 1-2 (1-1)

Mål: 0-1 Arild Øygard 28. min, 1-1 Jaran Tryti 31. min (str.), 1-2 Isak Tveit 86. min.

Gule kort: Elias Solheimsnes Vindheim, Jølster. Jakob Gjesdal Eikås, Jølster. Bengt William Abelsen-Øhlen, Vik.

Ein viktig kamp på nedre halvdel av tabellen enda med 3 poeng for Jølster. Bortelaget tok leiinga etter 28 minutt spelt, men Vik utlikna på straffespark like etter. Vinnarmålet til Jølster kom i det 86. minutt, og bortelaget tek 3 viktige poeng. Jølster klatrar dermed til 8. plass på tabellen med 7 poeng. Vik ligg på 10. plass med 5 poeng.

Sandane - Høyang 4-1 (2-0)

Mål: 1-0 Tore Tveit 17. min, 2-0 Filip Pleym Mardal 24. min, 3-0 Filip Pleym Mardal 51. min, 4-0 Hallvard Bjotveit 66. min, 4-1 Michael Hansen Våge 79. min.

Gule kort: Ludvig Anders Gimmestad, Sandane.

Høgtflygande Høyang møtte eit Sandane i form på Sandane Idrettspark i helga. Filip Pleym Mardal har komme inn for Sandane og funne scoringsformen med to nye mål. Etter heimelaget sine 4 scoringar fekk Høyang pynta litt på resultatet, men poenga blir igjen i Sandane. Høyang fell ned til 3. plass på tabellen med 18 poeng, medan Sandane ligg på 6. plass med 13 poeng.

Måløy - Sogndal 2 0-1 (0-1)

Mål: 0-1 Viljar Stavø 45. min.

Gule kort: Kasper Bakke Øvrebø, Måløy. David Hamre Da Silva, Måløy. Noah Heggestad, Sogndal 2. Håkon Mathisen, Måløy. Viljar Stavø, Sogndal 2.

Sogndal 2 slit med seg 3 poeng borte mot Måløy. Til tross for at bortelaget hadde mest ball var det heimelaget som var farlegast frampå i fyrsteomgang. Målsniken Viljar Stavø scora vinnarmålet like før pause. I andreomgang var det eit skarpare Sogndal 2 som kom på bana, men det vart ikkje fleire scoringar og poenga blei med heim til Sogndal. Sogndal 2 klatrar tilbake til tabelltopp med 19 poeng, medan Måløy er i motsett ende av tabellen med 2 poeng.

Fjøra - Førde 2 4-0 (2-0)

Mål: 1-0 Mathias Sunde Årdal 39. min, 2-0 Malvin Gjerde 41. min, 3-0 Malvin Gjerde 59. min, 4-0 Malvin Gjerde 87. min.

Gule kort: Vegard Lorgen, Førde 2. Andreas Hvidsten, Førde 2. Alexander Lambrechts Lekva, Førde 2 (trenar). Isak Svedal Flo, Fjøra. Kasper Rath Kaaber, Førde 2.

Fjøra vinn komfortabelt heime mot Førde 2, og Malvin Gjerde er i gang. Hattricket sender han opp til 10 mål i årets sesong, eitt bak Viljar Stavø for Sogndal 2. Fjøra klatrar til 2. plass på tabellen, og det er framleis berre målskilnad som held dei bak Sogndal 2. Duellen i toppen av Kretsligaen held fram!

Neste runde i Kretsligaen spelast slik:

• Høyang - Vik, fredag kl. 18:30
• Jølster - Fjøra, fredag kl. 19:30
• Studentspretten - Måløy, laurdag kl. 14:00
• Stryn - Sandane, laurdag kl. 14:00
• Førde 2 - Eid, søndag kl. 14:00
• Sogndal 2 - Dale, måndag kl. 19:00

STAO NO PAO!