Sesongkortsalet for 2026 har opna!

Me er klare for ein ny sesong i OBOS-ligaen på Fosshaugane Campus! Sesongkortsalet har opna, og no kan du anten fornye eller kjøpe sesongkort for 2026-sesongen!

Kjøp sesongkort her!

Me har stand på AMFI Sogningen utanfor Meny Sogndal denne veka, og hjelper med fornying og kjøp av sesongkort! Her kan ein også få kjøpt diverse produkt frå Sogndalbui! Fyrste dag er allereie i dag:

• Tysdag 16.12 kl. 12-14
• Fredag 19.12 kl. 12-14
• Laurdag 20.12 kl. 12-14

Den fyrste helga i april er OBOS-ligaen 2026 i gang! Fosshaugane Campus skal vere ein tøff stadion å kome til, og då treng me dykk på tribuna! Sogndal Fotball treng den ekstra energien det gjev at du blir med på laget! Luis Pimenta og teamet hans gler seg til ein ny sesong, og me håpar å sjå dykk når det sparkast i gang i april!

Fordelar med sesongkort:

• Fast plass på alle OBOS-kampar med tilbod om fornying kvart år.
• Vår beste pris - altså totalt billigare enn å kjøpe enkeltbillettar
• Forkjøpsrett til ein eventuell cupfinale
• 10% i Sogndalsbui på stadion (sesongkort må visast fram med kjøp i bui)
• Interessante tilbod fra våre partnarar og sponsorar

100% digitale sesongkort

Frå 2026 vil ein ikkje lenger få eit fysisk sesongkort, men det vil vere tilgjengeleg digitalt via Ticketco. Når ein kjøper eller fornyar sesongkortet sitt vil ein få ein mail med billett og QR-kode. Denne kan lastast ned eller lagrast på telefonen, og ein kan sjølvsagt også skrive den ut om ein ønskjer. For dei som framleis ønskjer å ha det fysiske sesongkortet er dette også mogleg. Når ein kjøper eller fornyar vil ein få valet om ein også vil kjøpe eit fysisk sesongkort for eit ekstra gebyr på 100,-. Dette vil då bli satt i produksjon og kan hentast i Sogndal knytt til dei fyrste heimekampane i 2026. Større valfridom for supportarane, og mindre plastbruk for miljøet!

Hadde du sesongkort i 2025?
Alle som har hatt sesongkort i 2025 vil motta ein fornyingsmail/sms frå TicketCo. Ved å klikka på vedlagt link i mailen kan ein enkelt fornya sitt sesongkortsete. Siste frist for å fornye sesongkortet er 1. februar. Etter dette blir setet opna for sal.

Om du ikkje har motteke mail så ta kontakt med billett@sogndalfotball.no - ta med namnet du er registrert på og plassane du har hatt. Det same gjeld om du ønskjer å byta plassar e.l.

Diverse informasjon:

• Barn under 3 år gratis på fanget til betalande vaksen
• Barn gjeld frå 4 - 16 år
• Honnør - bevis må kunne framvisast ved kontroll
• Student - studentbevis må kunne framvisast ved kontroll
• Ledsager - ledsagerbevis må kunne framvisast ved kontroll

Kjøp sesongkort her!

STAO NO PAO!