Solid motstand tysdag 1. mars!

Tysdag 1. mars møter me Aalesund til treningskamp på Fosshaugane. Kampstart er klokka 12.30, og det er både gratis inngang og kiosksal.

Etter treningsleiren i Marbella har karane hatt nokre fridagar, og samlast til ein ny fase av sesongoppkøyringa torsdag 24. februar. Me vil nok få sjå ein gjeng med bra overskot på tysdag.

Til no har me spelt tre treningskampar under Tore André Flo:
Sogndal - Hødd 3-0
Sogndal - Kongsvinger 3-2
Sogndal - Strømsgodset 0-3

Under desse kampane har me fått sjå litt av det me kan venta oss i år, og på laurdag vil Tore, Bolli og Simmo få nye svar på korleis me ligg an.

Tore André og Simmo frå kampen mot Hødd i Sognahallen

Aalesund og Lars Arne Nilsen har so langt hatt ei sesongoppkøyring med fire kampar. Tangotrøyene skal spela i Eliteserien i år, og ser ut til å vera godt i rute.

Før Marbella spelte dei  to kampar mot lokal motstand på Color Line Stadion mot Brattvåg og Hødd. Begge kampane enda med 4-1 til AaFK.

I Marbella slo dei Tromsø 2-1, før dei avslutta opphaldet under den spanske sola med 6-0 mot eit lag frå nivå 4 i Sveits, FC Muncingen. Der vart det 6-0 til sunnmøringane, og vår gamle ven Sigurd Haugen var yr i varmen og skåra fire mål.

På tysdag får me besøk av Lars Arne og kompani, ta turen og sjå ein god fotballkamp live på Fosshaugane!

Etter kampen tysdag, har me desse treningskampane i vente:

6/3 kl. 16:00 Sogndal - Åsane på Fosshaugane
11/3 Vålerenga - Sogndal på Intility Arena (tidspunkt kjem seinare)
26/3 kl. 16:00 Sogndal - Brann på Fosshaugane (generalprøve)

Det jobbast med å få til ein kamp 16. mars - merk óg at kampen mot HamKam er avlyst, då gjengen frå Hedmark har reist til Marbella i staden.