Terminlista sleppast måndag
Følg sendinga på Eurosport Norge
På måndag vert terminlista for Eliteserien 2017 offentleggjort, og du kan få med deg det heile på direkten!
– Vår ambisjon med fotballen er å gje fotballen tilbake til folket!
Det seier sportsdirektør i Eurosport og Discovery Networks, Jan-Erik Aalbu til Eliteserien sin nye nettstad.
- Dei planane skal me for alvor presentera på måndag – på direkten – saman med den fulle terminlista og oversikt over vårens TV-kampar. Me har ein ekstremt spennande tid foran oss i Eurosport no, og eg gler meg som ein unge til å vise fram alle planane våre for fotballfansen, held Aalbu fram.
- Alle som er glade i norsk fotball bør få med seg sendinga på måndag
— Sportsdirektør i Eurosport og Discovery Networks, Jan-Erik Aalbu
Det direktesendte programmet vil leiast av Eurosports faste fotballduo Carsten Skjelbreid og Bengt Eriksen.
– Det er ingen sportsrettigheter som er morsommere å jobbe med i Norge enn nettopp Eliteserien, og det håpar me vil skine gjennom i sendingane våre. Me ønskjer å sette vårt eige preg på dekninga av norsk toppfotball, so då passar det bra å presentere den komande sesongen på ein helt ny måte. Me håpar at sjåarane vil merke at Eliteserien og OBOS-ligaen har fått ein ny avsendar allereie på måndag, siier Carsten Skjelbreid, programleiar på Eurosport og en sentral brikke i Eliteserien-dekningen neste år.
I sendinga Fotballåret 2017 – vil både terminlista og dei planlagte TV-kampane (frem til sommarferien) for Eliteserien offentleggjerast.
Sendinga går måndag 19. desember kl. 20.00 på Eurosport Norge.
